Umimmanniartut

Ukioq tamaasa ileqquuvoq Kangerlussuarmi umimmanniarneq. Umimmanniarneq naammassigaangat meeqqat sulisullu imminnut arsamik unammersuartarput, umimmanniartinnatillu pilersaarusioreertarlugu kikkut unammeqatigiissanersut.

Kuunnguaq aasaq 2017

IMP-mi periuuseqaarput aasaanerani Kuunnguami illuaqqatsinni aalisarluta, panertulillutalu pinngortitami aasarsiortarnerput. Meeqqat aalisakkat tisanissaat ilikkartarpaat, nerisassatsinnik pileqataasarlutik pisarineraniillu iganeranut taamaasillutik peqataasarlutik.