Immikkoortortaqarfik Qeqqani juullikkunni juullerpaluttunik pinnersaallutillu orpiliaqarsimapput kusanavissumik aamma. Meeqqattaaq tamarmik alersersuaqarsimapput juulimaaq aqqusaassagaluarpat piareeqqasunik 🙂 Meeqqat alersersuaataat juullerpaluttut kusassaalluarlutillu nuannaartitsipput: Orpiliaq ilaa kusanaq:
IMP Qeqqani meeqqat juullimuttaaq piareersaaqataapput. Ilaa uummataasaliaat kusanat?
Decembarip 24-iani Bones Nuuk najugaqartuutitsinnut neriartussutissamik tunisipput. Meeqqat najugaqartuutigut januaarip ingerlanerani neriartorput qaaliivillutik. Asseq Bones Nuuk Facebook-imi qupperneranit atorneqarpoq. Tamavitta qujavugut, mamarsaqaagut 🙂
Decembarip 17-iani Katersortarfimmi juullerpalaarnermut nuannerluinnartumut peqataavugut. Asseq qiimmassimaarnartoq aajuna:
Juulleriartortoq nuannersoruna. Illorput ulloriarlersoratsigu, namminerlu kortinik sanalluta. Kingullermik juullimut piareersaanerit aamma takuigit?
Juullip qaammataa qanilliartuaarnerani iffiornerit juullisunnitsunillu assassornernit ingerlanneqallattaalerput 🙂 Immikkoortortaqarfinniit assit ilai uani takukkit