IMP sulisunut ataavartumik pikkorissaasarnera

IMP-imi perorsaariaatsit maannamuugallartoq Anerkendende pædagogik, Neuroaffektiv pædagogik, Neuroaffektiv udviklingspsykologi nunatsinnut tulluarsagaq malillugu atorneqarpoq. Anerkendende pædagogik ima paasillugu akuersaartumik perorsaaneq. Anderkendelse misigissusaavoq inuit annertuumik pisariaqartitaat, taassuma iluaniimmat takuneqarusunneq, tusaaneqarusunneq paasineqarusunnerlu.Neuroaffektiv udviklingspsykologi atorlugu IMP-mi najugaqartut angerlarsimaffimmiit aninissaannut nammineersinnaanissaannik aqqutissiuinermik tunaaqqutaqarpoq. Sulisut tamarmik ukiumut minnerpaamik marloriarlutik tarnip nakorsaanik Psykolog Naja Lyberth-imit ingerlanneqartumik perorsaariaatsimut pikkorissartinneqartarput, pisortaqatigiit pingaartimmassuk sulisunut ataavartumik pikkorissartitsisarnissaq, taamaalillutik perorsaariaatsimut allanngutsaaliineq sulisunullu eqqaasitseqqiinerit tassuuna qulakkeerneqartarlutik. 

Pikkorissaanerit Psykolog Naja Lyberth-imit ingerlanneqartartut saniatigut sulisunut tamanut Supervision-ertitsineq qaammatit tamaasa neqeroorutaavoq, qaammatini Januarimiit maajip naanissaanut, septemberimiillu decemberip naanissaanut. Junimiit august naanissaanut meeqqat najugaqartut asiartinneqarlutik, angalallutik pisutsinneqarlutillu pisaramik aasaanerani supervisionertitsisarnerit unitsikkallarneqartarput.

Kingullertut sulisunut pikkorissaanermi taasariaqartut aamma ilagaat,  IMP-imi sulisunit marlunnit Fysisk konflikthåndteringsinstrukinstruktøritut ilinniagaqarsimasunik qaammatit tamaasa immikkoortortani ataatsimiinnerni pikkorissaatitut ingerlanneqartarput, pikkorissaasarnikkut siunertarineqarluni attaveqariaatsit aaqqiagiinnginnerit pisinnaasut sullissisut najugaqartullu akornanni pinaveersaartinniarlugit sakkussanik tunioraanikkut, aammalu aaqqiagiinnginneq pilereersimagaangat qanoq aaqqiagiinnginnermiik illikartoqarsinnaaneranit sakkussanik tunioraanernit, taamatuttaaq pissaanermik atuisoqartillugu inatsisitigut ilisimasassat maleruagassallu qanoq piumasaqaatitaqarnerat pikkorissaassutigineqartarluni.