Ulloq unnuarlu angerlarsimaffiup siunertaa

Ulloq unnuarlu angerlarsimaffiup IMP-p siunertaraa meeqqanik minnerusumik annerusumilluunniit isumassorneqarnermikkut sumiginnakkanik, kialaartumik angerlarsimaffeqartitsiuarnissaq taamattaarlu meeqqap ataasiakkaatut pisariaqartitaanik tunisiuarnissaq.

Meeqqat angerlarsimaffimmut inissinneqartartut pisariaqartitsisuusarmata pisortaqatigiinniit piumasaqaataavoq, perorsaariaatsit (pædagogik) atorneqartut atorluarneqarnissaat, tassani aamma pingaarutinneqarluni meeraqqap ataasiakkaatut isiginiarneqarnissaa, tassa inuttut ataasiakkaatut pisariaqartitaanik matussusiinissaq perorsaariaatsimi aamma pingaartinneqarluni.

Taakkua saniatigut IMP siunertaasa ilagilluinnarpaat meeqqat angerlarsimaffimmiit anisussanngornissaannut namminiilernissaannut piareersassallugit, kaammattorlugit iluamik inuuneqalernissaannut.

Meeraq toqqissisimasumik timikkut tarnikkullu pisariaqartitai malillugit inissaqartillugu inuiaqatigiinnut aarsaarnissaanut nukkassarnissaa, inuttut imminut naleqartinnera imminullu tatiginissaa qulakkeerniarneqassaaq, nammineersinnaanissaanik, imminut malugisinnaanissaanik, akisussaassuseqarnissaanillu kaammattortuarneqartassaaq, imminut upperinissaanut sapinngisaanillu upperineqartuarnissaa aamma qulakkeerneqartassapput. Taakkua saniatigut atuarfimmik ilinniarnermik naammassinninnissaannik suliffeqarsinnaanissaanillu kaammattortuarneqartassallutik. Meeraq qitiuteqqissaarlugu peqatigeqqissaarlugu AI model atorlugu siunissamik angorusutaanik pilersaarusiortoqartarpoq.