IMP-mi pikkorissartitsinerit sakkussanillu tunioraanerit ingerlaartumik pisarput. Pikkorissartitsinerni sakkussanillu tunioraanerit ukunani pisarput.

Anderkendende pædagogik, qaammatit pingasukkaarlugit pikkorissartitsinerit

Avataaniit psykologimik suleqateqarnikkut pikkorissarnerit ingerlanneqartarput, qulakkeerniarlugu perorsaariaaseq atorneqartoq sullissisunit atorneqarnera ataavartinneqarnissaa taamaaliornikkut anguneqarsinnaammat najugaqartunut sullissineq pitsaasoq assigiinnerusorlu toqqissisimanermik pilersitsisoq.

Fysisk konflikthåndtering, qaammatit tamaasa pikkorissartitsinerit

IMP sulisoqarpoq marlunnik Fysisk konflikthåndteringsinstruktøritut ilinniarsimasut, taakkulu qaammatit tamaasa immikkoortortani ataatsimiinnerni pikkorissaatitut ingerlanneqartarput. Pikkorissaasarnikkut siunertaavoq attaveqariaatsit aaqqiagiinnginneq sullissisut najugaqartullu akornanni pinaveersaartinniarlugit sakkussanik tunioraaneq, aammalu aaqqiagiinnginneq pilereersimappat qanoq aaqqiagiinnginnermiik illikartoqarsinnaaneranut sakkussanik tunioraanerit, taamatuttaaq pissaanermik atuisoqartillugu inatsisitigut ilisimasassat maleruagassallu qanoq piumasaqaatitaqarnerat pikkorissaassutigineqartarluni.

Supervision sulisunut qaammatit tamaasa pisoq

IMP psykologimik aaliangersimasumik suleqateqarpoq sulisunut qaammatit tamaasa supervision-ertitsisartumik, siunertaalluni sullissisut sakkussaannik immersorneqartuaannarnissaat aammalu imaajarfissatut atorneqartarluni.

Pædagogisk dag qaammatit tamaasa pisoq

Pædagogisk dag ingerlanneqartarpoq immikooortortani qaammatit tamaasa, najugaqartut tulleriaarinikkut qaqinneqartarput suleriusissamillu najugaqartumut ineriartortitsisussaq pitsaanerpaaq pilersaarusiorneqartarluni suleqatigiinnit.