Angerlarsimaffiup IMP naleqartitai pingasut

  • Nunatta pissarititaanik atorluaaneq
  • Angerlarsimaffik toqqissisimanartoq
  • Sulisut akornanni assigiiaartumik meeqqanut sullitanut perorsaariaatsikkut apuussineq

IMP naleqartitaanut piorsarsimassuserput siulittalu inooriaasiannut ilisimasaqarluarnissaanut pingaartinneqarmat, aasaanerani meeqqat Kapisillit eqqaanut Kuunnguanut asiartinneqartarput aalisartinneqartarlutik, taassumalu aamma saniatigut august september qaammat aavarneq aallunneqartarluni. Nunatta pissarititaanik atuisinnaanissaq angalanerni taakkunani meeqqanut najugaqartunut pissarsiffiulluartarpoq. Aattueriaaseq, ammarterineq, pilanneq allarpassuillu taakkunani eqqaaneqartuni angalanerminni misilittartarpaat, illoqarfimmullu angerlaraangamik pisaminnik aamma nerisaqartinneqartarlutik.  

Naleqartitanut aamma ilaatinneqarluinnarpoq najugaqartunut toqqissisimanartumik najoruminartumillu angerlarsimaffeqartitsinissaq. Taamaammat sapinngisamik pisortaqatigiinniit Bestyrelseniillu qulakkeerniarneqartuartarpoq ukiumut najugaqartunut ajunnginnerpaaq anguniarlugu pilersaarusioqqissaarnissaq. Pilersaarusiornerup imarisarpaat najugaqartunut sammisassaqartitsininerit, sulisoqarnermut pikkorissaanerit, ataavartunik sulisoqarnissaq, najugaqarfik najoruminarnissaanut pisatsersornerit, angalanerit il. Il.

Kingullertut naleqartitani pingaartitat ilaat sulisut akornanni assigiiaartumik perorsaariaaseq, ukiut tamaasa qulakkeerniarneqartuartarpoq. Bestyrelseniit, pisortamut, immikkoortortani aqutsisunut taamaalillunilu ulluinnarni najugaqartunut sullissisunut perorsaariaatsit marluk Psykolog Naja Lyberth-imit ingerlanneqartartunik pikkorissartinneqartuartarput, najugaqartunut perorsaariaaseq sinaakkutillu sapinngisamik nipeq ataaseq atorlugu apuukkusullugu. Pingaartinneqartunut ilaavortaaq meeqqat tamarmik immikkut pisariaqartitai matussuserniassallugit, iliuuseqarnikkut aamma meeqqanut najugaqartunut toqqissinermik kinguneqartarmat.