Inuuneq Meeraq Pinngortitarlu

Ulloq unnuarlu angerlarsimaffik meeqqanut minnerusumik annerusumilluunniit isumassorneqarnermikkut sumiginnakkanut sullissisuuvoq, ukiorlu 2005 ulloq unnuarlu paaqqinnittarfittut aallartisarsimalluni.

Sineriak tamakkerlugu kommunemit namminersortumillu oqartussanit akuerisaasumik meeqqanik najugaqartuuteqartarlutik.

IMP nuummi marlunnik immikkoortortaqarpoq Qeqqa Vittumillu taajuusigaasunik, ataatsimillu Kapisillit eqqaanni Kuunnguani immikkoortortaqarluni.

Meeqqat najugaqartuutigineqartut tassaanerupput meeqqat arlaatigut annerusumik minnerusumilluunniit angajoqqaaminnit sumiginnarneqarsimasut 8-niit 16-inik ukiullik. Taakkualu immikkoortortanut ukiui pisariaqartitaalu aallaavigalugit immikkoortortanut inissinneqartarlutik. IMP meeqqanut 16-inut pisortanit akuerisaavoq.

Illuatungaanillu aamma IMP piumasaqaateqarpoq qaammatit pingasut meeraq najugaqartuutigiligaq IMP-ip sinaakkutaanut tulluarnersoq paaseqqaarusussallugu, meeqqap pisariaqartitavii tunniukkusuttarmatigit. Taassumallu saniatigut aamma meeqqamik pisariaqartitsisumik tigusinnginnermi paasissutissat aalajangersimaqqissaartut meeqqamut tunngassutillit inissiinnginnermi piumasareqqaartarlugit.