Trampolini

Nuannarineqarluaqisoq trampolini pisiareqqammermarput, najugaqartut silatiminni aasaanerani atorluagassaannik 🙂 Nuannisarfigilluassaqaat aasaanerani 🙂

IMP-mi sulisut tamarmiutillugit pikkorissarput

IMP-mi sulisut tamarmiutillugit pikkorissaqqammerput. Pikkorissarneq Hotel Hans Egedemi ingerlanneqarpoq, pikkorissarnerellu imarivai assigiinngitsut marluk. Siullermik Psykolog Ruth Blytmann saqqummiivoq meeqqat inuusuttullu isumassorneqarnermikkut sumiginnarneqarsimasut qanoq sumiginnagaasarsimasinnaanerannut tunngassutilinnik aammalu qanoq sumiginnagaanerat kinguneqartarnersoq  taamatuttaarlu qanoq sullinneqarnissaannut tunngasunik aammalu suliassaqartinneqarlutik saqqummiussinera ingerlalluni.   Ruth saqqummeereermat aamma  Fysisk konflikt håndtering-imut tunngasut pikkorissarfigineqarput. Suleqatigiilluta pissarsiaqaqaagut sullissilluarnissamullu pikkorissinerulluta 🙂

Juulli

Immikkoortortaqarfik Qeqqani juullikkunni juullerpaluttunik pinnersaallutillu orpiliaqarsimapput kusanavissumik aamma. Meeqqattaaq tamarmik alersersuaqarsimapput juulimaaq aqqusaassagaluarpat piareeqqasunik 🙂 Meeqqat alersersuaataat juullerpaluttut kusassaalluarlutillu nuannaartitsipput: Orpiliaq ilaa kusanaq:

Kilaarsarfik – Sermersuaq

Ilanngutassiami allami eqqaariikkatsitulli angajulliit suleqaterput ningiorpullu peqatigalugit Kialaarsarfimmiit Sermersuarmut pisullutik angalasupajuupput. Assinik nutaanik pissarsigatta – kusanarluinnartut nammineq oqaluttuarput 🙂

Kilaarsarfimmiit Kapisilinnut

Juunip 16-iani najugaqartuutigut anginerit/inuusuttut Kilaarsarfimmiit Sermersuarmut kiisalu Kapisilinnut sulisoq pisortarpullu peqatigalugit pisullutik aallartupajuupput. Naatsorsuutigaat ullut 10-it pisussallutik. Ingerlalluarnissaannik tamatta kissaappagut – ilaapajuit? 🙂  Aallartinnatik taquassat assigisaallu piareersarneraniit aajuku assilisat ilaat: